Elgoibarko Udala
Ayto. de Elgoibar

Ingurumena - Agenda 21 - Elgoibar

Tokiko Agenda 21 Elgoibarren

Elgoibarrek 2002an eman zuen lehenengo urratsa Agenda 21 prozesuan. Orduan sortu baitzuen Debegesak, eskualdeko beste herriekin batera,  Debabarrena Udaltalde 21 delakoa, Agenda 21 garatzeko helburuarekin. Ordutik, Debegesaren laguntzari esker, hainbat ekintza burutu dira herrian: Mugikortasunaren astea, eta eko-astea edo aste-berdea besteak beste.

Prozesuari jarraiki, 2004 urte amaieran, Elgoibarko diagnosia bukatu zuen Udalak. Era berean, 2005ean, Udalak herri partaidetza bideratzeko foro bat jarri zuen abian. 2005 urte hasieran ere, Elgoibar Iraunkortasunerako Euskal Udalerrien sarean, hau da, Udalsarea 21ean, sartu zen.

UDALSAREA 21, euskal udalerrietako Tokiko Agenda 21ak dinamizatzen dituen koordinazio eta kooperazio foroa da, eta ekintza planak betearaztea sustatzen du. Protagonista nagusiak Tokiko Ekintza Plana duten 138 udalerriak dira.

Diagnosia
Hona hemen 2004an bukatutako diagnosiaren laburpenaren emaitzak

Ekintza plana
2006ko urtarrilaren 27an,  Osoko Bilkuran onartu zen Elgoibarko Iraunkortasuneko Ekintza Plana.

Plan hau osatzen duten 215 ekintzak hamalau ildo estrategikotan banaturik daude. Hona hemen ildoak, programak eta ekintzen zerrenda:

Gaur egun eta hurrengo urteetan, planaren ekintza batzuk aurrera eramango ditugu, beti ere, lehentasunak edo-eta aukerak kontuan harturik.

Herritarren partaidetza
Herritarren partaidetza foroaren bitartez bideratzen ari da Elgoibarren. Foroa kontsultarako izango da, herritarrei martxan dauden jardueren berri emateko eta hauen pertzepzioa eta proposamenak jasotzeko. Ezin du udal mailako erabakirik hartu.

Lehenengo foroa 2005eko urtarrilaren 31n egin zen, eta bertan, herriko hainbat lagunek, elkartek eta enpresek hartu zuten parte. Ordutik aurrera, herritarren partaidetzarako foroa, gutxienez, sei aldiz bildu da, eta saio horietan guztietan, Udalak onartu duen diagnosia balioztatu du.

Prozesuan parte hartu nahi duten erakundeek, elkarteek, taldeek, enpresek eta herritarrek foroan parte hartu, edo horien proposamenak aditzera eman nahi badituzte, Ingurumen Sailarekin harremanetan jarri beharko dute, honako helbide elektroniko honen bidez: ingurumena@elgoibar.net.

Agenda 21
   (itzuli)