Elgoibarko Udala
Ayto. de Elgoibar

 

 

Elgoibarko albisteak

  

 

Mankomunitateak hamar edukinontzi jarriko ditu udalerrian olioa birziklatzeko

(2010/02/19)

Emakume batek olioa lagatzen du Aita Agirre planzan ipinitako edukiontzi berrian

 

Edukiontzien kokapena:

  • Antonio Arrillaga, 2

  • Pedro Muguruza. Artetxe, 8.

  • Maala-Upai Zaharra (Txarriduna)

  • Santa Klara (Jausoro plaza parean)

  • Arreiturre (Institutua).

  • San Roke 10-12 (kiroldegia)

  • Altzola (Karmen plaza)

  • Urasandi (Bide Gain tabernaren ondoan)

  • Sigma (frontoia)

  • Aita Agirre plaza

 

Debabarrenako Mankomunitateak eskualdeko udalerrietan etxeko olioa birziklatzeko edukinontziak jartzeari ekin dio.

 

Edukinontzi hauek metalikoak dira eta marra laranja bat dute. 2004 urtetik hona, hilero, furgoneta batek bildu izan du etxean erabilitako olioa. Hala ere, edukinontziak instalatu ostean, bertan behera utziko da orain arte abian egon den zerbitzua.

 

Mankomunitateak hamar edukinontzi jarriko ditu Elgoibarren; “hala ere, gehiago ere jarri ahal izango dira, sortzen den beharraren arabera”.

 

Edukinontzi berri hauei esker, ekimenaren arduradunen ustetan, ugaritu egingo da etxeko olio birziklatua; izan ere, aurrerantzean, “herritarrek ez dute erabilitako olioa, bilketa eguna eta ordua iritsi arte, etxean gorde beharko. Egokitzat jotzen duten unean utzi ahal izango dute olioa edukinontzietan”.

 

Erabilitako olioa birziklatzeko, “nahikoa izango da olioa hozten uztea. Ondoren, plastikozko ontzi batera bota, eta tapoia itxita, olioa, birziklatzeko edukinontziren batera bota beharko da. Olioaz gain, Mankomunitateak olioa biltzeko erabiltzen diren plastikozko ontziak ere birziklatuko ditu.

 

Orain arte, garbigune mugikor baten bidez (furgoneta) jasotzen zen erabilitako olioa. Hemendik aurrera, sistema mugikorra kendu eta gero, etxeetan sortzen diren hondakin arriskutsuak (pilak, elektrotresnak, fluoreszenteak, altzariak, bateriak, kristalak...) honako poligono hauetan kokatuta dauden garbiguneetan utzi ahal izango dira: Elgoibarko Albitxurin, Ermuko Urtian eta Mutrikuko Laranga auzoan.