Elgoibarko Udala
Ayto. de Elgoibar

 

 

Elgoibarko albisteak

  

 

‘Gure denda, gure poza’ kanpainaren hirugarren zozketa egin dute

(2009/11/03)

 “Gure denda, gure poza” kanpainaren aurkezpena

Joan den ostiralean, urriak 30, “GURE DENDA GURE POZA!” kanpainaren hirugarren zozketa burutu zen eta zenbaki saritua 08.607 izan da (Erreserba: 00459).

 

Urriko zozketan, saria 100 €ko erosketa-txartela izango da.  Erosketa-txartel hau:

  • Kanpainan parte hartzen duten dendetan erabili ahal izango da soilik. Denda horien zerrenda boletoen atzeko aldean ageri da eta gainera,  establezimendu parte hartzaileek “Gure denda, gure poza!” kanpainaren gometsa (pegatina)  identifikatzailea itsatsita dute atean.

  • Gutxienez 3 establezimendutan gastatu beharko da.

  • 30 eguneko epea egongo da saria erreklamatu eta gastatzeko (azken eguna: azaroak 28)

Saria Elgoibarko Udalean eskuratu ahal izango da eta horretarako 943.74.10.50 telefonora deitu beharko du pertsona irabazleak.

 

Bestalde, gogorarazi, ekimen hau Elgoibarko Udaleko Ingurumen eta Merkataritza sailek abiatu dutela, Txankakua eta Barren Azoka Merkatari Elkarteen laguntzarekin, eta helburu bikoitza duela: alde batetik, erosketak herriko dendetan egin daitezen sustatzea eta beste aldetik, plastikozko poltsen kontsumoa jaistea.

 

Kanpaina hau abendura arte luzatuko da eta hilero zozketa bat burutuko da. Honela, Azaroa eta Abenduan ere, 100 €ko erosketa-bono bana zozketatuko da.