|
|
|
 |
|
|
|
|
|
|
|
|
|
|
|
Elgoibarko albisteak |
|
|
Elgoibarko Kultur Etxean hirigintzako hiru proiekturi buruzko erakusketa informatiboa egingo da (2008/07/17)
Elgoibarko Kultur etxean hirigintzako hiru erakusketari buruzko erakusketa egongo da ikusgai uztailaren 31ra arte. Proiektuak garrantzia handikoak dira, eta datozen hilabeteotan burutuko dira gure herrian.
Erakusketak hiru proiektu ditu oinarritzat: Olasoko biribilgunea eraikitzeko proiektua (N-634 errepidean) eta Maalako eta Santa Ana kaleko inguruak birmoldatzeko egingo diren proiektuak.
Proiektuen helburuei eta ezaugarri teknikoei buruzko informazioa emateaz gain, erakusketak proiektu bakoitzarentzat aurreikusitako exekuzio epeen berri ematen du; baita aurrekontuen eta finantzazioaren berri ere.
Bestalde, herritarrek, jarduera horiek direla medio instalatuko diren hainbat hiri-altzari ikusteko parada izango dute (eserlekuak, baldosak, galtzada-harri faltsuak, barandak…). Halaber, hainbat aukeraren artean, Maalan egingo den parkerako zein zoru mota aukeratuko luketen aditzera eman ahal izango diote Udalari
Erakusketa, astegunetan,19.00etatik 21.00etara egongo da zabalik. Asteburuetan eta jaiegunetan, berriz, 12.00etatik 14.00etara ere ikusi ahal izango da.
|
|
